A Xunta asina o contrato para adxudicar a redacción dos proxectos do novo Chuac por máis de 6 millóns de euros

A conselleira de Infraestruturas e Mobilidade, Ethel Vázquez, e o xerente do Servizo Galego de Saúde (Sergas), José Flores Arias, presidiron este venres a firma do contrato que adxudica a redacción dos proxectos do novo Complexo Hospitalario Universitario A Coruña (Chuac) por máis de seis millóns de euros.

Vázquez cualificou esta firma como "un paso importante" para que A Coruña teña un hospital de "vangarda e futuro". A conselleira destacou que a Xunta traballa para "reforzar e renovar" todas as infraestruturas sanitarias e sinalou a este proxecto como o "máis complexo".

Ademais, a conselleira explicou que as obras se realizarán en "distintas fases". Polo momento levarán a cabo as que sexan "compatibles urbanisticamente". Estes traballos servirán para que se duplique a superficie do Chuac.

Vázquez espera que se concrete un cronograma a principios de 2022, para que logo póidase iniciar "a tramitación urbanística". As demolicións prevense para finais do próximo ano, no que se derrubarán edificios como o hotel de pacientes.

EXPROPIACIÓNS

Preguntada polos medios sobre as expropiacións que se van a producir durante a obra, Ethel Vázquez mostrou o compromiso da Xunta para "minimizar as molestias" nas vivendas, e afirmou que "estarán en contacto" coas persoas afectadas.

Pola súa banda, o xerente do Sergas, Juan Flores, pediu desculpas de antemán, xa que pacientes e sanitarios "terán que convivir coas obras". Pola súa banda, a conselleira de Infraestruturas explicou que o emprazamento do hospital "non foi un capricho", senón unha decisión tomada por un grupo de especialistas.

A conselleira Ethel Vázquez, en rolda de prensa. Xunta