Premian a investigadores da UDC por un traballo sobre inestabilidade xenómica e fraxilidade en persoas maiores
O galardón outorgouno a Asociación de Antigos Alumnos da Facultade de Farmacia de Santiago.
Por Europa Press / Redacción | SANTIAGO DE COMPOSTELA | 01/10/2021 | Actualizada ás 18:20
Dous grupos de investigación da Universidade da Coruña foron premiados por un traballo de análise sobre parámetros xenéticos como biomarcadores de fraxilidade en persoas maiores. En concreto, os equipos de Diagnóstico Condutual e Molecular Aplicado á Saúde e de Xerontoloxía e Xeriatría.
O principal obxectivo do estudo foi identificar parámetros que permitan recoñecer de maneira precoz a condición de fraxilidade en persoas maiores. Os resultados obtidos confirmaron a hipótese da existencia dun vínculo entre a inestabilidade xenómica e este estado, apuntando a utilidade de dúas biomarcadores como futuras ferramentas de identificación e predición.
O galardón, o Premio Dores Trigo 2021, foi outorgado pola Asociación de Antigos Alumnos da Facultade de Farmacia de Santiago e recolleito por Branca Laffon, catedrática de Psicobioloxía.
