Por E.P. | SANTIAGO DE COMPOSTELA | 01/10/2021 | Actualizada ás 20:13
Tres persoas resultaron feridas, unha delas de consideración, no impacto entre un camión e un coche que circulaban pola N-V ao seu paso polo termo municipal de Begonte.
Diso informou o CIAE 112 Galicia, que tivo costancia do accidente, rexistrado no punto quilométrico 521, ao redor das 16,00 horas deste venres.
A consecuencia do impacto, tres persoas resultaron feridas e tiveron que ser atendidas polos profesionais de Urxencias Sanitarias 061.
ACCIDENTE EN SANTIAGO
Por outra banda, outro accidente de circulación saldouse cunha muller ferida. Ocorreu en Santiago, na estrada SC-11 en sentido A Estrada, onde o vehículo no que viaxaba a vítima sufriu unha saída de vía e terminou envorcado.
O sinistro tivo lugar minutos despois das 16,00 horas. A ocupante do coche accidente puido abandonar polos seus propios medios o habitáculo e, posteriormente, foi trasladada en ambulancia ao CHUS.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.