Sanidade non notifica falecidos vencellados á Covid-19 por segundo día consecutivo

A Consellería de  Sanidade non notificou este sábado ningún falecemento relacionado coa pandemia do coronavirus, polo que a cifra de vítimas mantense en 2.638.

Trátase da segunda xornada consecutiva desta semana, despois do venres, na que as autoridades sanitarias non comunican mortes vinculadas á pandemia.

O último deceso foi o dun home de 93 anos comunicado na tarde do xoves. Permanecía hospitalizado no Clínico de Santiago e tiña patoloxías previas.