Galicia rexistra 271 mortes máis ata o 20 de setembro que en 2020 e 1.231 máis que en 2019
Contrasta coa diminución que se anota o conxunto estatal, que contabiliza un descenso das mortes do 7,15%
Por Europa Press / Redacción | SANTIAGO DE COMPOSTELA | 06/10/2021 | Actualizada ás 11:25
Galicia rexistra 271 mortes máis ata o 20 de setembro deste ano que no mesmo período de 2020 (+1,14%), e son 1.231 máis que nese prazo de 2019, prepandemia (+5,41%). En total, suman 23.983 nas primeiras 38 semanas do actual exercicio.
Así o reflicte a estatística experimental de estimación do número de defuncións semanais durante o brote da covid-19 que actualiza este mércores o Instituto Nacional de Estatística (INE).
Esta evolución á alza en Galicia contrasta coa diminución que se anota o conxunto estatal, que contabiliza un descenso das mortes do 7,15%.
Na comunidade galega, o incremento débese á provincia da Coruña (+8,9%), posto que baixou nas outras tres: -7,39% en Ourense, -2,66% en Lugo e -2,63% en Pontevedra.
