Por E.P. | A CORUÑA | 06/10/2021 | Actualizada ás 19:24
O presidente da Deputación da Coruña, Valentín González Formoso, e o delegado do Goberno en Galicia, José Miñones, presentaron a ampliación da rede ciclista metropolitana.
Acompañados de alcaldesas e alcaldes e edís dos concellos de Bergondo, Carral, Betanzos, Cambre e Abegondo, Formoso e Miñones acudiron a Carral, onde acaban de comezar as obras do primeiro tramo para crear o novo itinerario ciclable, que percorrerá a contorna do encoro de Cecebre.
A actuación está cofinanciada nun 80% con fondos europeos Feder a través do Instituto para a Diversificación e o Aforro da Enerxía (IDAE) e o seu orzamento ascende a dous millóns de euros.
A senda supón a ampliación da rede ciclista metropolitana e se encardina, segundo o presidente provincial, na aposta por un novo modelo de sustentabilidade. Pola súa banda, Miñones puxo de relevo a colaboración institucional para dotar de servizos á cidadanía, dixo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.