Por Europa Press / Redacción | SANTIAGO DE COMPOSTELA | 07/10/2021 | Actualizada ás 11:55
A candidatura que encabeza o actual líder da CIG, Paulo Carril, é a única presentada para concorrer á executiva confederal e secretaría xeral no VIII Congreso da central sindical, este sábado 9 no Pazo de Congreso de Santiago.
Durante a presentación do conclave, este martes, Carril xa sinalou que existía un acordo no seo da organización para que houbese unha soa candidatura, dado o elevado grao de cohesión interna. O prazo terminaba na mañá deste xoves.
A do sábado, destaca a CIG, será unha xornada de debate na que máis de 600 delegados elixidos polas federacións nas distintas comarcas, xunto cos membros do Consello Confederal e da comisión de garantías analizarán o traballo desenvolvido noS últimos catro anos e definirán os obxectivos para o próximo período.
Este será o primeiro congreso que a CIG afronta como primeira forza sindical en Galicia en representatividade, afiliación e mobilización, apunta a organización.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.