Falece unha muller que fora diagnosticada con COVID

A Consellería de Sanidade informou este martes do falecemento dunha muller diagnosticada de covid-19, que elevou a 2.643 o total de vítimas en Galicia desde o inicio da pandemia sanitaria.

En concreto, trátase dunha muller de 60 anos que faleceu no Hospital HM Modelo Belén e que presentaba patoloxías previas. Esta persoa procedía da residencia Sanitas da Coruña.

Ata o momento, a última vítima fora un home de 86 anos que tamén estaba ingresado na residencia Sanitas da Coruña e presentaba patoloxías previas.

Administración da terceira dose da vacina contra a covid-19 en residencias de maiores | Fonte: Europa Press.