En corentena un barco na Ría de Pontevedra ante "casos sospeitosos de Covid-19"
Leva dez días detido á espera de ordes.
Por E.P. | SANTIAGO DE COMPOSTELA | 15/10/2021 | Actualizada ás 13:51
Sanidade Exterior decretou corenta para un buque mercante na Ría de Pontevedra desde o pasado día 5 de outubro ante a aparición de "casos sospeitosos de Covid-19 no ámbito marítimo".
Así o informaron a Europa Press por parte do Ministerio de Sanidade, ao ser competencia de Sanidade Exterior, que concretou que neste caso "aplicáronse as directrices establecidas no protocolo sanitario vixente ante a aparición de casos sospeitosos de Covid-19 no ámbito marítimo".
As mesmas fontes sanitarias sinalaron que houbo casos positivos --que non concretaron por cuestións de protocolo-- e o resto de integrantes da tripulación consideráronse contactos estreitos, polo que se estableceu unha corentena de 10 días. Todos presentaron "bo estado de saúde en todo momento", declararon.
Por parte de Sanidade destacouse, ademais, que como o test Covid realizados foron negativos, "está previsto outorgar a libre plática" --autorización aduaneira competente para que o buque realice operacións de embarque e desembarque-- este venres, 15 de outubro.
