Page defende a reunión multilateral entre CCAA sobre financiamento e desvincúlaa do debate ideolóxico
Considera que se trata dunha cita "moi importante" para ter os "fondos suficientes".
Por Europa Press / Redacción | TOLEDO | 18/10/2021 | Actualizada ás 13:21
O presidente de Castela-A Mancha, Emiliano García-Page, defendeu a reunión multilateral entre varias comunidades autónomas convocada en primeira instancia en Galicia e ante as dúbidas pola súa celebración, asegurando que se trata dunha cita "moi importante" desvinculada de calquera ideoloxía.
Durante un acto público en Guadalaxara, García-Page asegurou que en todo caso, a única ideoloxía que pode haber detrás desta cita é "que teñamos os fondos suficientes para os servizos importantes, a sanidade, a educación e as prestacións sociais".
Iso é o que queren, segundo dixo, autonomías como Galicia, Castela e León, Aragón ou Castela-A Mancha. "Non nos estamos xuntando para repartirnos bases militares", indicou.
