Sofía e Mateo seguen sendo os nomes máis frecuentes en Galicia
No tocante aos 20 primeiros nomes, pódese ver como entre 2019 e 2020, no caso dos nenos, todos os nomes mantéñense na lista, excepto Roi e Alejandro, que dan paso no 2020 a Xoel e Mario.
Por E.P. | SANTIAGO DE COMPOSTELA | 22/10/2021 | Actualizada ás 16:06
Sofía e Mateo mantéñense como os nomes máis frecuentes en Galicia en 2020, segundo a estatística de neonatos publicada este venres polo Instituto Galego de Estatística (IGE).
Así, os nomes de nenas máis comúns son Sofía, Noa, Martina, Lara e Valeria. En canto aos nomes masculinos, a estatística mostra que o cinco máis frecuentes son: Mateo, Martín, Lucas, Hugo e Leo. Se se comparan co 2019, o catro primeiros nomes femininos continúan na mesma posición, mentres que Valeria pasa do posto número sete (2019) ao número cinco (2020), que intercambia con Lucía.
Tamén se mantén o top 5 de nomes masculinos, coa diferenza de que Lucas estaba no segundo lugar e Martín no terceiro, mentres no 2020 houbo un intercambio de posicións entre estes dous. No tocante aos 20 primeiros nomes, pódese ver como entre 2019 e 2020, no caso dos nenos, todos os nomes mantéñense na lista, excepto Roi e Alejandro, que dan paso no 2020 a Xoel e Mario.
En canto ás nenas, no 2020 incorpóranse Miña e Alma ao top 20, pero desaparecen da listaxe dos 20 primeiros Alba e Emma. Hai que destacar que, na actualidade, crece a tendencia a empregar nomes galegos tanto para as nenas (Antía, Uxía ou Sabela) como para os nenos (Brais, Antón ou Iago).
