Morre un home noutro accidente de tractor esta ponte en Galicia
O accidente tivo lugar en Oímbra.
Por Europa Press / Redacción | SANTIAGO DE COMPOSTELA | 01/11/2021 | Actualizada ás 13:41
Un home de nacionalidade portuguesa faleceu no municipio ouresano de Oímbra ao sufrir un accidente co tractor que conducía. Diso informou o CIAE 112 Galicia, que tivo constancia do accidente ao redor das 11,00 horas deste luns, cando recibiu unha chamada de Urxencias Sanitarias 061 para informar dun accidente de tractor nas inmedaciones do antigo campo de fútbol situado no lugar de Rabal.
O condutor do vehículo agarario quedou atrapado baixo o tractor tras sufrir unha saída de vía e terminar envorcado sobre a cuneta. O persoal sanitario non puido facer nada pola vida do home, que faleceu no lugar a consecuencia das feridas provocadas pola máquina.
ACCIDENTE EN PEREIRO DE AGUIAR
Tamén na mañá deste luns, un accidente entre dous coches que impactaron frontalmente cando circulaban polo municipio ourensán de Pereiro de Aguiar saldouse con tres persoas feridas.
O sinistro tivo lugar no punto quilométrico 10 da estrada comarcal OU-536 á altura do lugar de Casanova. Ata alí mobilizáronse os efectivos dos servizos de emerxencia, que atenderon aos feridos, evacuados en ambulancia a un hospital.
