Por E.P. | SANTIAGO DE COMPOSTELA | 01/11/2021 | Actualizada ás 16:06
Un total de 36 pequenas e medianas empresas repártense os 2,6 millóns de euros da cuarta edición do programa InnovaPeme, posto en marcha pola Xunta a través da Axencia Galega de Innovación (Gain) para potenciar a capacidade innovadora das pemes galegas.
Estas subvencións, cofinanciadas polo Fondo Europeo de Desenvolvemento Rexional (Feder) permitirá mobilizar un investimento en I+D+i de 5,6 millóns de euros, segundo sinala a Administración autonómica nun comunicado.
O importe medio dos apoios ao amparo deste programa é de 77.700 euros, un 50% do custo subvencionable dos plans de innovación das pemes.
O obxectivo, segundo recalca a Xunta, é "promover a cultura da innovación", "incrementar" o número de empresas que apostan por ela e favorecer a competitividade das pemes galegas.
A novidade da convocatoria deste ano foi a exclusión das empresas que xa foran beneficiarias do programa en anteriores edicións.
Así, 21 das 36 empresas seleccionadas este ano para recibir fondos de InnovaPeme nunca obtiveran antes apoios económicos de Gain.
EMPREGO E DURACIÓN
Así as cousas, a Administración autonómica resalta que a edición de 2021 deste programa permitirá a contración de 45 técnicos, dos cales, un 42% pertencen "a colectivos sensibles", entre os que cita a mulleres e persoas discapacitadas.
Ademais, tamén incide en que as axudas contribuirán ao mantemento dun total de 149 postos de traballo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.