Primeiro torneo de oratoria para alumnado de Educación primaria

A Fundación Barrié promove un torneo escolar de oratoria, en colaboración coa escola de debate Talkk. Trátase, informa, do primeiro torneo de oratoria en Galicia para alumnado de entre oito e doce anos.

Este programa complementa o torneo de debate académico, dirixido a estudantes de Ensino Secundario Obrigatoria (ESO) e Bacharelato.

O torneo de oratoria diríxese ao alumnado matriculado en segundo e terceiro ciclo de Educación primaria (3º-6º curso de Primaria) de calquera centro educativo (público, privado ou concertado) de Galicia durante o curso 2021-22.

O principal obxectivo deste novo programa é "fomentar o desenvolvemento das habilidades comunicativas do alumnado desde moi temperá idade, así como para dotar ao profesorado do coñecemento e das últimas ferramentas necesarias para a docencia en materia de comunicación".

Estudantes de bacharelato realizan no IES Vilar Ponte os exames de Selectividade ou Probas de Acceso á Universidade ?PAU ou ABAU- en Viveiro, Lugo, Galicia (España), a 7 de xullo de 2020. As probas de selectividade mantivéronse na Mariña (Lugo. Carlos Castro - Europa Press - Arquivo