Mortes: A Coruña dispara a súa taxa de defuncións, que cae no resto de provincias
A Comunidade galega rexistrou un 5% máis de falecementos este 2021 que no mesmo período de 2019.
Por E.P. | SANTIAGO DE COMPOSTELA | 04/11/2021 | Actualizada ás 12:46
Galicia rexistra 218 mortes máis ata o 18 de outubro deste ano que no mesmo período de 2020 (+0,84%), e 1.339 máis que no de 2019, prepandemia (+5,37%). En total, ascenden a 26.281 ata a semana 42 de 2021. Así se desprende da estatística experimental de estimación do número de defuncións semanais durante o brote da Covid-19 que actualiza este xoves o Instituto Nacional de Estatística (INE).
Segundo os datos publicados polo INE, na semana 42 de 2020 as mortes acumuladas no que vai de ano situáronse en 26.063 en Galicia e no mesmo período de 2019 reducíronse a 24.942. Esta evolución á alza na Comunidade galega en 2021 contrasta coa diminución que no conxunto estatal, que contabiliza un descenso das mortes do 7,07 por cento.
En Galicia, o incremento débese á provincia da Coruña (+8,32%), xa que baixou nas outras tres: Ourense (-7,53%), Pontevedra (-3,13%) e Lugo (-2,15%).
