Xornadas de Memoria Democrática na Coruña entre o 10 e o 12 de novembro

A Coruña acollerá a próxima semana as segundas xornadas de conferencias 'Memoria Democrática A Debate', organizadas polo Concello, en colaboración coa UNED.

Segundo informa o goberno local, tras o éxito do ciclo celebrado no 2020, este ano o tema a debater será 'Transición. Dentro e fóra da ditadura'.

Estas xornadas abordarán o proceso de "como foi posible converter a ditadura máis duradeira de Europa tras a Segunda Guerra Mundial nunha democracia homologable cos países e contextos da súa contorna".

Trátase, explica o consistorio coruñés, dunha actividade de carácter mixta, presencial e en liña, que reunirá a expertos xunto a testemuñas da época.

A alcaldesa da Coruña, Inés Rey | Fonte: Concello da Coruña.