Por E.P. | SANTIAGO DE COMPOSTELA | 07/11/2021 | Actualizada ás 16:15
A Audiencia Provincial da Coruña celebrará o xoves, día 11, un xuízo contra dous socios empresariais, aucsados dun delito contra os dereitos dos traballadores, segundo informa o Tribunal Superior de Xustiza de Galicia (TSXG).
En concreto, Fiscalía acusa os encargados de organizar un festival de non dar de alta na Seguridade Social a dez traballadores e pide para cada un dos procesados dous anos de cárcere.
O festival tivo lugar entre o 24 e o 27 de agosto de 2017, na praia grande de Miño. Tratouse do evento Free Riders Festival, consistente nunha exhibición de motos e concertos de música, organizada por unha empresa da que eran socios os acusados. "Durante os días nos que durou estiveron a traballar na organización do festival un total de 11 persoas, especialmente dedicadas a prestar servizos no bar".
Inspección realizou unhas visitas, xunto cun axente da garda civil, ao evento e atopouse traballando a 10 persoas "sen estar ningún dado de alta na Seguridade Social polos acusados con carácter previo ao comezo da actividade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.