Bancos de alimentos galegos distribuirán máis de 177 toneladas tras doazóns de aseguradoras

Os bancos de alimentos que se atopan en Galicia distribuirán máis de 177 toneladas de alimentos grazas ao sector asegurador.

Farano tras a doazón de 3,8 millóns de euros realizada no conxunto estatal por 107 aseguradoras á Federación Española de Bancos de Alimentos (Fesbal).

En concreto, o Banco de Alimentos de Rías Altas distribuirá 52.375 quilos; 41.941 quilos, o Banco de Alimentos de Lugo; 27.138 quilos, o Banco de Alimentos de Ourense; e 55.670 quilos, o Banco de Alimentos de Vigo.

Os fondos achegados polo sector asegurador permitirán repartir 3,6 millóns de quilos de alimentos e outros produtos de primeira necesidade por toda España. Ou o que é o mesmo, 14,3 millóns de racións.

A contribución aos Bancos de Alimentos forma parte de 'Estar Preparados (para estar máis seguros)', o programa solidario que coordina Unespa en nome das súas entidades asociadas.