Feijóó di que Galicia "leva séculos" practicando o "manual de protocolo Xacobeo" con "hospitalidade" e "respecto"
O presidente do Goberno galego acudiu á inauguración do 'Congreso de protocolo e eventos Xacobeo'21. Camiñado xuntos'.
Por Europa Press / Redacción | SANTIAGO DE COMPOSTELA | 11/11/2021 | Actualizada ás 11:49
O presidente do Goberno galego, Alberto Núñez Feijóo, referiuse a Galicia como un pobo que "leva séculos" pondo en práctica o "manual de protocolo Xacobeo", que ten como base a "hospitalidade" e o "respecto".
"Galicia asumiu un protocolo colectivo que non só se basea na hospitalidade, senón tamén na cortesía que nos leva ao respecto", sinalou Feijóo durante a inauguración do Congreso de protocolo e eventos Xacobeo'21. Camiñado xuntos'.
No encontro, do que informou a Xunta nun comunicado, Feijóo destacou tamén a importancia dos protocolos para dar importancia ás cousas; para xestionar situacións, como os implantados para abordar a pandemia; ou para, xunto a outras institucións, organizar vías de colaboración e plasmar acordos ou relativizar os desacordos. "Un protocolo son regras, e as regras axudan a ordenar as cousas, o que evita o desconcerto", dixo.
O presidente da Xunta concluíu resaltando o traballo do comité organizador deste congreso, que reunirá ata o vindeiro sábado ao redor de 400 profesionais de varios países.
