Por Europa Press / Redacción | Santiago de Compostela | 16/11/2021 | Actualizada ás 15:56
O conselleiro de Cultura, Educación e Universidade, Román Rodríguez, mostrou o seu malestar coa reforma educativa, xa que entende que afectará os alumnos "menos favorecidos" e prexudicará "a igualdade de oportunidades".
Fíxoo este luns na Coruña ao ser preguntado pola reforma educativa que eliminará os exames de recuperación na ESO.
Rodríguez mostrouse crítico co Goberno central por adoptar o que considera unha decisión "unilateral" que vai afectar de "forma grave" o desenvolvemento do que resta de curso.
Neste sentido, o conselleiro considerou que isto afecta a programación, o calendario ou a avaliación, ao cambiar "as regras do xogo" a metade de curso.
A Xunta trasladou que aínda non coñece o texto definitivo, pero, segundo asegurou Rodríguez, cando chegue avaliarano "de forma xurídica".
O conselleiro anuncio que tomarán medidas para que o impacto no sistema educativo galego "sexa o menor posible".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.