Sobre o réxime censitario e a nova normalidade

O goberno da república de Grecia acordou prohibir a partir de decembro aos non vacinados entrar en restaurantes, estadios, cinemas, teatros, ximnasios e edificios públicos. Todo isto simplifícase, en opinión dalgúns tertulianos ou comentaristas, no clásico: 'Trata como che traten'.

Por Álvaro Rodríguez | Compostela | 26/11/2021

Comparte esta noticia
En Austria a partir de febreiro será obrigatorio meterse a dose que indique o goberno. 
En Europa están a producirse manifestacións que terminan en enfrontamentos  coa policía por esta cuestión. En Bruxelas, Róterdam, Roma, Londres, Breda,  Zagreb, Viena, Copenhague. Tamén  en Australia.  Os manifestantes consideran e afirman que estas normas teñen unha derivación ou transcendencia moi superior á cuestión concreta do covid. 
 
O especialista virólogo Luís Enjuanes expresou unha opinión política de enorme calado. Enjuanes dixo que a Seguridade Social non debería facerse cargo dos tratamentos aos non vacinados de covid. Escoiten ao entendido: "Se eles non colaboran coa sociedade, a sociedade non debe colaborar con eles".
 
En España, vacinarse non é obrigatorio. Hai  persoas que pagan as súas cotas á Seguridade Social, pagan os impostos correctamente, e  non queren vacinarse (aínda que non é unha vacina), e  que coas súas cotas e achegas á sanidade pública aténdense aos enfermos de todas as patoloxías. A todos, tamén aos que non pagan.  O único criterio é a enfermidade.
 
Aténdese e dase sempre asistencia sanitaria  aos enfermos sen entrar en consideracións económicas, morais, relixiosas, políticas, etc. E moitos, eu tamén, (e tamén vacinado), estamos orgullosos do noso sistema.   Por iso xórdeme a seguinte pregunta,   pódese violentar a un cidadán que contribúe cos seus impostos ao ben común?.  Pódeselles forzar a eses contribuíntes solidarios a meterse un tratamento que non desexan?. Pregúntao un vacinado.   
 
Por iso, o manifestado polo virólogo Luís Enjuanes "Se eles non colaboran coa sociedade, a sociedade non debe colaborar con eles", en realidade, Que significa?.  En España para impor a obrigatoriedade da vacina sería necesario aprobala mediante Lei Orgánica dado que afectaría entre outros ao dereito ao traballo, o dereito á autonomía, á integridade física, e un longo etc.
 
Pero tamén é certo que o Goberno xa impuxo restricións a dereitos fundamentais, que posteriormente foron declaradas inconstitucionais.  A norma xurídica  levaría, ou tería que  levar aparellado,  un sistema de garantías para o cidadán e de deberes para a administración e a industria farmacéutica. Pero tamén un sistema sancionador para o cidadán que non queira aceptar esa norma. 
 
Para moitos dos  vacinados, como é o meu caso,  o máis preocupante da cuestión é a carga de profundidade política e xurídica que ten a afirmación de "se eles non colaboran coa sociedade, a sociedade non debe colaborar con eles". E é que o normal na historia contemporánea foron os réximes censitarios ou capacitarios, e a excepción é o actual sistema universal. 
 

Vacinación contra a COVID-19
Vacinación contra a COVID-19 | Fonte: Junta de Andalucía - Europa Press.
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Álvaro Rodríguez Nuñez Doctor en Ciencia Política. Autor de varios ensaios sobre procesos políticos contemporáneos. Ten publicado diferentes estudios en revistas de pensamento político, nas cales colabora.