A USC investiga a un estudante por acoso a varias alumnas de Ciencias Políticas

O suposto responsable conta con antecedentes por casos similares na súa universidade de orixe.

Por Europa Press / Redacción | SANTIAGO DE COMPOSTELA | 24/11/2021 | Actualizada ás 12:42

Comparte esta noticia

A Universidade de Santiago de Compostela (USC) abriu unha investigación por un suposto caso de acoso dun mozo a varias compañeiras coas que compartía aulas ou residencia, tras as denuncias presentadas por varias alumnas da facultade de Ciencias Políticas. Unha estudante deste centro explicou a Europa Press que este alumno, un Erasmus con antecedentes por casos similares na súa universidade de orixe, dedicouse a mandar mensaxes sistematicamente a compañeiras coas que compartía aulas.

As afectadas, polo menos unhas 20, sentiron intimidadas e incómodas ante o comportamento do mozo, posto que non cesou na súa actitude a pesar de que as destinatarias non contestaban a súa mensaxes. Segundo o relato da alumna, este estudante tamén pasou notas por baixo da porta a outras mozas coas que compartía residencia.

As organizacións Xuntas por Políticas e Urxe! convocaron este xoves, coincidindo coa conmemoración do Día da eliminación da violencia contra as mulleres, unha sentada nas inmediacións da propia facultade de Ciencias Políticas para denunciar este caso de acoso e que se organizará en quendas de mañá e tarde, de 12,00 a 13,00 horas e de 17,00 a 18,00 horas.

Sobre o caso pronunciouse este mércores o reitor da USC, Antonio López, que asegurou que a universidade activou o protocolo de acoso "inmediatamente" despois de ter coñecemento dos feitos denunciados polas alumnas e "púxose en marcha unha investigación". Así mesmo, sinalou que o mozo foi apartado da residencia universitaria "como medida cautelar", dado que as denuncias apuntan a que alí se rexistrou "parte desa actuación indebida" do alumno denunciado.

Facultade de Ciencias Políticas
Facultade de Ciencias Políticas | Fonte: Google Maps

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta