Atopan o corpo dun home nunha zona de rocas do peirao de Escarabote, en Boiro

Un home foi achado falecido nunha zona de rocas no peirao de Escarabote, no municipio de Boiro, segundo informou o 112 Galicia.

O servizo recibiu a alerta a través dos axentes da Garda Civil, minutos antes das 16,00 horas. O persoal do 112 comunicou a situación ao 061 e aos Bombeiros de Boiro, que se desprazaron ao lugar. O Servizo Municipal de Protección Civil tamén participou neste operativo.

Xa no lugar dos feitos, os servizos sanitarios desprazados só puideron confirmar o seu falecemento. Pola súa banda, as forzas da orde tratan de esclarecer as circunstancias do suceso.

Un garda civil traballa na investigación. GARDA CIVIL