Como tratar aos pacientes neurolóxicos que poidan solicitar a eutanasia

A Sociedade Española de Neuroloxía destaca que as peticións de eutanasia que proveñen de pacientes neurolóxicos supoñen entre un 10 e un 20% dos casos.

Por Galicia Confidencial | Compostela | 30/11/2021 | Actualizada ás 09:00

Comparte esta noticia

Con motivo da aprobación, este ano, da Lei Orgánica de Regulación da Eutanasia, a Sociedade Española de Neuroloxía (SEN) vén de presentar  o “Manual básico da SEN sobre o Final da Vida e a Lei da Eutanasia”. Trátase dun traballo elaborado baixo a idea de servir como ferramenta de consulta sobre conceptos relacionados coa atención de pacientes neurolóxicos que poidan solicitar iniciar este proceso. Segundo trasladan dende a SEN, o documento deuse a coñecer na súa 73ª Reunión Anual, que se está celebrando en formato virtual ata o próximo 2 de decembro. No documento que se presenta agora profúndase nalgúns aspectos que se introduciron no anterior manual, elaborado hai uns meses.

Logotipo da Sociedade Española de Neuroloxía Logotipo da Sociedade Española de Neuroloxía
Logotipo da Sociedade Española de Neuroloxía Logotipo da Sociedade Española de Neuroloxía

O Dr. Francisco  Escamilla, vogal da Sociedade Española de Neuroloxía, explica que a repercursión da iniciativa lexislativa nos pacientes con enfermidades neurolóxicas "é un tema sumamente complexo desde un punto de vista ético e profesional e especialmente en campos como o da Neuroloxía, porque sabemos, pola experiencia doutros países, que as peticións que proveñen de pacientes neurolóxicos supoñen entre un 10 e un 20% dos casos”.

No “Manual básico da SEN sobre o Final da Vida e a Lei da Eutanasia” abórdanse todos os problemas relacionados coa eutanasia e os coidados paliativos nas enfermidades neurolóxicas, revisando algúns aspectos relacionados coa morte digna no paciente neurolóxico. Desta forma, o Manual comeza cunha análise sobre a implantación da eutanasia noutros os países, analizando as enfermidades neurolóxi­cas nas que se aplica e os problemas que se expoñen en cada unha delas. Tamén se realiza "un exame detallado" da lei española, co fin de axudar ao lector para entender ben o seu desenvolvemento e aplicación.

Ademais, dedícanse capítulos a analizar o sufrimento desde a perspectiva neurolóxica, dedicando un apartado especial a unha das situacións nas que resulta máis difícil avalialo: os pacientes con demencia; á avaliación da capacidade de decidir; ou á abordaxe dos coidados paliativos, onde se valoran as diferentes afeccións neurolóxicas que con máis frecuencia van requirir da aplicación destes coidados (ELA, esclerose múltiple, enfermidades  cerebrovasculares, demencia e trastornos do movemento) e con recomendacións sobre as competencias que debe ter un  neurólogo para a prestación dos mesmos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta