O Concello da Coruña "garante" o funcionamento da Policía Local tras a dimisión do seu máximo responable

A alcaldesa da Coruña, Inés Rey, afirmou este luns que o funcionamento da Policía Local está "garantido" tras a dimisión do xefe da mesma, José Antonio Brandariz, que levaba dez anos no cargo.

Fíxoo a preguntas dos xornalistas e agradecendo ao xefe da Policía Local a súa "profesionalidade e lealdade" durante a súa permanencia no posto. A rexedora local dixo que o goberno local solucionará esta cuestión con "tranquilidade", e aclarou que non era unha situación "dramática". "O xefe da Policía Local seguirá nas súas funcións mentres se convoca a praza", engadiu sobre Brandariz, que estaba nunha situación de interinidade.

E é que, segundo explicou Rey, a praza foi convocada en dúas ocasións e quedou "deserta". Preguntada pola forma na que Brandariz presentou a súa dimisión, a alcaldesa expresou que o fixo en "os termos oportunos".

Acto do 175 aniversario da Policía Local da Coruña. SUBDELEGACIÓN DO GOBERNO NA Coruña | Fonte: Europa Press