(Vídeo) Espectacular incendio dun camión en Negreira

Un camión grúa ardeu por completo esta tarde en Negreira, entre A Pereira e Fontecabada, o que provocou imaxes de tensión entre os conductores que pensaron que se podía tratar dunha esplosión.

Fontes da Garda Civil consultadas por GC, confirmaron que se tratou do incendio dun camión grúa e que, coa calor, algunhas partes do mesmo, sobre todo as rodas, saíron despedidas, pero negaron que estoupara.

O incidente saldouse sen ningunha persoa ferida. Foi necesario cortar parte da estrada afectada e agardar a enfriar os restos do vehículo queimado para que, ao longo da tarde deste martes, outra grúa proceda a retirar o camión calcinado.