O Goberno impoñerá corentena obrigatoria aos viaxeiros dos países máis afectados pola ómicron

O Ministerio de Sanidade implementou as prestacións do sistema de xestión dos controis sanitarios de entrada a España 'Spain Travel Health' (SpTH), incorporando as medidas de control aprobadas polo Goberno fronte á variante ómicron da COVID-19. Tal e como explicou o secretario xeral de Saúde Dixital, Información e Innovación do Ministerio de Sanidade, Juan Fernando Muñoz, desde este sábado, mesmo día en que se publicaron no BOE, o SpTH incorpora as medidas de aplicación aos viaxeiros procedentes dos 7 países declarados de alto risco (Sudáfrica, Botsuana, Eswatini, Lesotho, Mozambique, Namibia e Zimbabue).

Así, permítese á autoridade sanitaria española contar coa rastrexabilidade dos viaxeiros de voos procedentes ou que estivesen nestes países nos últimos 10-15 días, e para os que se habilitou un itinerario de control específico fronte á COVID-19 e a variante ómicron, consistente na petición de vacinación e proba de detección de infección activa (PDIA), realización de test de antíxenos á chegada a España e corentena obrigatoria de 10 días.

O sistema, detallou Muñoz, permite remitir ás autoridades sanitarias da comunidade ou cidade autónoma de destino destes ou viaxeiros ou, no seu caso, ao país da Unión Europea ao que se dirixan. A utilización do sistema de xestión dos controis sanitarios de entrada a España 'Spain Travel Health' (SpTH) é obrigatoria para todas as persoas que chegan ao noso país desde o estranxeiro e posibilitou, ata a data, o control de preto de 34 millóns de persoas nos puntos de entrada a España desde a súa posta en marcha, en xullo de 2020.

Chegada de estudantes procedentes de Mallorca ao aeroporto compostelán de Lavacolla.