Por E.P. | Santiago de Compostela | 03/12/2021 | Actualizada ás 18:13
A Consellería de Facenda publica este venres no Diario Oficial de Galicia (DOG) unha resolución pola que concede unha subvención de ata 1,2 millóns de euros nos próximos catro anos a Abanca Corporación Bancaria SA para instalar, pór a funcionar e manter caixeiros automáticos nun total de 38 concellos adheridos ao convenio autonómico activado para manter servizos financeiros no rural.
En concreto, a resolución concreta que se concederá a subvención a Abanca para "incentivar e fomentar" a prestación de servizos bancarios básicos consistentes na instalación, mantemento e posta en funcionamento de caixeiros automáticos e a prestación dun servizo de asistencia e formación financeira en entidades locais galegas. Todo iso, para as anualidades de 2021 a 2025.
O importe máximo da subvención é de 1.217.520 euros, nos termos e condicións contemplados na Orde de 18 de xuño de 2021; e o módulo para a instalación, mantemento e posta en funcionamento de caixeiros automáticos terá unha asignación máxima de 7.100 euros anuais por caixeiro.
O paso da Xunta prodúcese nun contexto onde diversas entidades e partidos agudizaron as súas críticas pola retirada de servizos bancarios de concellos do rural.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.