Por Europa Press / Redacción | Bruxelas | 07/12/2021 | Actualizada ás 17:24
A portavoz do BNG en Europa, Ana Miranda, defendeu este martes en Bruxelas a protección da comunidade lingüística galega "fronte á política de destrución e minorización do Goberno de Feijóo".
Miranda referiuse así á política lingüística da Xunta durante a súa intervención na mesa redonda da Fundación europea Coppieters e a Fundación Iratzar sobre como promover as linguas desprotexidas de Europa.
A portavoz do Bloque en Europa lembrou que o Consello Europeo xa advertiu en varias ocasións sobre as dificultades de utilizar o galego en ámbitos como a xustiza, a administración e a educación.
Sobre a educación, Miranda asegurou que o decreto que regula o idioma no ensino fai "imposible" que os menores de Galicia poidan desenvolver as etapas educativas na lingua propia.
Ademais, a portavoz dos nacionalistas esixiu maior investimento para o galego e o resto de comunidades lingüísticas en Europa nos contidos dos medios e o sector audiovisual nestas linguas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.