Boqueixón acolle unha mostra para destacar a calidade dos alimentos galegos

O Pazo de Quián, en Boqueixón, acollerá entre os días 15 e 17 de decembro a 'I Mostra de Calidade Alimentaria', organizada pola Xunta de Galicia para pór en valor a calidade das producións galegas. Durante a mostra presentarase a nova campaña do Goberno galego para promocionar a excelencia alimentaria da comunidade, xunto ao Marketplace oficial que servirá de punto de venda para os produtores, á vez que establecen un contacto directo cos consumidores.

Ademais, durante o evento celebraranse tres foros sobre gastronomía e turismo, sobre a filosofía 'slowfood' e sobre a 'Dieta Atlántica'. Todos eles acompañados de degustacións e un pequeno concerto. Tamén haberá unha 'gastroneta' da Axencia Galega dá Calidade Alimentaria no exterior do pazo, que realizará unha mostra con diversos produtos da despensa galega.

Por outra banda, este I Mostra, coordinada pola Consellería do Medio Rural, tamén acollerá a entrega dos premios 'Exceleite'; un recoñecemento ás explotacións galegas de vacún de leite, e que avalan a excelencia hixiénico-sanitaria dos produtores de leite cru de vaca, así como os das 'Catas de Queixos e Meles de Galicia 2021'.

Queixo azul de Prestes | Fonte: Axencia Galega de Innovación.