A USC esperará á conclusión da instrución sobre o alumno investigado por acoso para adoptar medidas

O reitor da Universidade de Santiago de Compostela, Antonio López, sinalou que de momento "non hai novidades" sobre a investigación aberta polo suposto caso de acoso dun mozo a varias compañeiras coas que compartía aulas ou residencia, tras as denuncias presentadas por varias alumnas da facultade de Ciencias Políticas ante a propia institución académica.

Segundo avanzou López, a institución está a terminar as accións no marco da primeira fase de instrución recollida no protocolo previsto ante casos de caso e que, "a partir de aí", adoptaranse as decisións necesarias en función da análise do ocorrido.

En todo caso, insistiu en que o protocolo está "en marcha", aínda que de momento descoñécese se se abrirá un expediente sancionador ou se adoptarán outro tipo de medidas, entre elas accións xudiciais.

O mozo denunciado dedicouse, supostamente, a mandar mensaxes sistematicamente a compañeiras coas que compartía aulas, que sentiron intimidadas e incómodas ante este comportamento dado que o alumno non cesou na súa actitude a pesar de que as destinatarias non contestaban a súa mensaxes. Estes feitos repetíronse, ademais, na propia residencia universitaria, onde chegou a pasar notas por baixo da porta a outras mozas.

As organizacións Xuntas por Políticas e Urxe! denunciaron a situación e advertiron de que leste mesmo estudante, que se atopa de Erasmus en Compostela, contaba con antecedentes por condutas similares na súa universidade de orixe.

Facultade de Medicina de Santiago de Compostela | Fonte: USC.