O negocio das grandes enerxéticas: Naturgy Renovables compra activos fotovoltaicos a Ence por 62 millóns

A pasteira pecha esta operación de rotación de activos para seguir crecendo en enerxías renovables e en respaldo ao sistema eléctrico.

Por Europa Press / Redacción | Santiago de Compostela | 13/12/2021 | Actualizada ás 11:36

Comparte esta noticia

Naturgy Renovables comprará cinco activos fotovoltaicos a Ence por 62 millóns de euros, situados en Huelva, Sevilla, Xaén e Granada, cunha capacidade conxunta aproximada de 373 MW.

En concreto, Ence Enerxía, a filial de enerxía renovable de Ence, pechou esta operación de rotación de activos co obxectivo de seguir investindo e crecendo no negocio de enerxía renovable e no respaldo á garantía da subministración do sistema eléctrico, segundo informou a compañía. A vocación do grupo é a de seguir diversificando e creando valor dentro do sector da enerxía renovable.

O prezo da compravenda ascende a un total de 62 millóns de euros, que Ence reinvestirá para continuar desenvolvendo novos proxectos, focalizándose na enerxía renovable xerada con biomasa e en fotovoltaica, así como no almacenamento de enerxía.

Neste sentido, a compañía está a desenvolver mecanismos e solucións novas que, como o almacenamento de enerxía, permitan mellorar a xestión do sistema eléctrico e achegar estabilidade e seguridade á subministración. O grupo busca avanzar, así, na súa visión cara a un mix cunha maior presenza de enerxías renovables, en liña coa transición enerxética xusta e a descarbonización.

Planta de Ence en Huelva.. ENCE.
Planta de Ence en Huelva.. ENCE. | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta