A patronal galega pide conter a suba dos salarios para "non desmadrarse"
Recomendan un incremento que non chegaría á metade da suba do IPC.
- A luz segue batendo marcas e achégase aos 300€ por MH/hora
- A CEG pide "prudencia" ás empresas galegas coas ceas de Nadal
Por Europa Press / Redacción | SANTIAGO DE COMPOSTELA | 14/12/2021 | Actualizada ás 14:04
A confederación de empresarios de Galicia (CEG) recomenda unha subida dos salarios durante o ano 2022 da contorna do 2% ou o 2,5%, a pesar de que a taxa interanual do índice de prezos de consumo (IPC) se sitúa en niveis superiores (5,7% en outubro en Galicia), porque, pola contra, de producirse unha "escalada", isto "vai en contra do emprego" e supón "desmadrar" a situación.
Así se pronunciou este martes nun almorzo informativo o presidente da patronal galega, Juan Vieites, quen, en canto á reforma laboral, prognostica que "non se vai a cambiar" pero si haberá "acordo" nos próximos días que incluirá "pequenas reformas" lexislativas en materia de emprego xuvenil, por exemplo.
Precisamente sobre a ministra de Traballo, a galega Yolanda Díaz, o representante dos empresarios galegos recoñeceulle que é "traballadora" e "busca sempre o consenso", aínda que "quizais non o demostrou moito en Galicia", pero no Executivo "si". Descartou pronunciarse sobre a reunión que mantivo co Papa porque ese "é un tema político" e a el correspóndenlle "os empresariais".
"CONSENSO" NA POLÍTICA SALARIAL
Sobre o debate relacionado coa inflación e as nóminas dos traballadores, Vieites apostou por "buscar un consenso dentro do diálogo social", porque, se non, segundo avisou, "alguén vai ter que pór daquela o cinto a todo isto". "E despois queixámonos", avisou. Neste sentido, pediu ser "equilibrados", en contra dunha "escalada salarial sine die" que, segundo remarcou, é "facer trampas ao solitario".
Deste xeito, apuntou a un incremento "do 2-2,5%" e dixo que podería ser "mesmo algo máis se ha lugar nalgún sector", pero rexeitou aumentos en "niveis do 5 e pico e 6%" porque iso é "desmadrarse" e "vai en contra do emprego". "Téñoo clarísimo. Levo anos negociando convenios colectivos que producen estabilidade e iso significa que non nos vai a ir ben así, se imos nesta escalada".
