Coren destina 4 millóns de quilos de castaña para alimentar os porcos da sua gama ‘selecta’

A cooperativa ourensá vén de pechar un convenio de compra coa empresa Alibós de Monterroso, a maior colleitadora do sector de Galicia, para abastecerse durante o 2022.

Por X.M. Fernández | Ourense | 16/12/2021 | Actualizada ás 11:53

Comparte esta noticia

O acordo de compra de 4.100.000 quilos de castaña foi ratificado días atrás polo presidente do grupo Coren, Manuel Gómez-Franqueira Álvarez, e Jesús Quintá, xerente de Alibós, principal empresa colleitadora e transformadora de castaña en Galicia na actualidade. Tal cantidade de quilos representa, segundo refiren na cooperativa, unha achega económica ao campo galego duns 6.350.000 euros.

Sinatura do convenio de compra de castaña. Fonte: Coren
Sinatura do convenio de compra de castaña. Fonte: Coren

A castaña adquirida integramente en Galicia pasa por un proceso de pelado, cocción e posterior conxelado para poder conservala co fin de destinar á alimentación dos seus porcos da gama ‘Selecta’ durante todo o ano.

Coren, un xigante no sector da alimentación, aposta por xerar riqueza no rural galego sendo a compra de castaña autóctona unha das accións que enmarcan na súa Política de Responsabilidade Social. A súa gran demanda deste produto busca tamén preservar e fomentar o aproveitamento dos soutos galegos pois, segundo estudos do sector, unha plantación de castiñeiros coidada e con variedades de valor engadido é un cultivo rendible.

Souto con castañas. Foto: XMF
Souto con castañas. Foto: XMF
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta