(Vídeo) Tempo de exames na universidade: entre libros, nervios e bibliotecas
Os estudantes piden máis prazas de estudo.
Por Paula Daza | Santiago de Compostela | 18/12/2021 | Actualizada ás 14:00
Achégase o Nadal e con el comeza o período de exames na universidade. Esta tempada está marcada polo estrés ao que están sometidos os estudantes. A este estrés súmase a necesidade de atopar un ambiente propicio para iso. Moitos deles deciden facelo na biblioteca; porén, esta tarefa non sempre é doada xa que as prazas de estudo son limitadas.
Para tentar paliar este problema, as bibliotecas ampliaron o seu horario ata o 22 de decembro, que se retomará do 3 ao 30 de xaneiro.
A biblioteca Concepción Arenal é a máis concorrida da cidade de Santiago, conta con algo máis de 900 postos de lectura, insuficientes aos case 30.000 estudantes que recibe cada ano a cidade.
Como reforzo, habilitaranse as aulas das Facultades de Ciencias Económicas e Empresariais e de Dereito, que supoñen máis de 600 prazas adicionais con posibilidade de ampliación.
