As hipotecas sobre vivendas dispáranse un 32,5% en Galicia en outubro, máis que a media

Por E.P. | SANTIAGO DE COMPOSTELA | 22/12/2021 | Actualizada ás 11:04

Comparte esta noticia

O número de hipotecas constituídas sobre vivendas foi de 1.224 en outubro en Galicia, o que supón un repunte do 32,5% respecto ao mesmo mes de 2020, segundo os datos que publica este mércores o Instituto Nacional de Estatística (INE).

Este incremento é superior ao da media española (+27,9%). O maior aumento é o de Cantabria (+63,1%), mentres Baleares e País Vascos son as únicas autonomías con datos negativos. Na comparativa entre outubro e setembro, hai un avance do 4,8% no caso galego, o que contrasta co retroceso do 14,8% na media do país.

Estes préstamos concedéronse en Galicia por valor de 135,9 millóns de euros, o que se traduce nun incremento interanual do 43% respecto de outubro de 2020. Na comparativa mensual, sobe un 4,9%.

Sobre o total de leiras, Galicia rexistrou 1.913 hipotecas en outubro, por 204,5 millóns. Delas, 56 correspondíanse con leiras rústicas (por 8,3 millóns) e as restantes 1.857, con urbanas (por 196,2 millóns).

Os préstamos correspondentes con leiras urbanas distribuíronse entre os 1.224 en vivendas, cinco en solares (por 1 millón) e 491 noutras urbanas (por 42,2 millóns). Mentres, houbo 1.826 cancelacións, 56 delas correspondentes a hipotecas en leiras rústicas, 1.194 con vivendas, 18 solares e 558 tamén urbanas, pero doutra clase.

Por último, os cambios rexistrais afectaron a 772 hipotecas en Galicia en outubro: 686 por novación, seis por subrogación do debedor e 80 por subrogación do acredor. Por natureza da leira, 64 eran rústicas e 708 urbanas (destas últimas, 521 vivendas).

Hipotecas galegas en outubro. EPDATA
Hipotecas galegas en outubro. EPDATA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta