Por E.P. | SANTIAGO DE COMPOSTELA | 22/12/2021 | Actualizada ás 13:58
O delegado do Goberno en Galicia, José Miñones, destacou este mércores que o Executivo presido por Pedro Sánchez investirá 230 millóns na "transformación dos barrios" das cidades e vilas galegas.
Así o destacou durante unha visita á Área de Rehabilitación Urbana situada na zona vella de Lugo, onde visitou xunto á alcaldesa, Lara Méndez, unha promoción urbanística na rúa Nova. Miñones sinalou que o investimento do Goberno central permitirá "financiar máis de 3.000 actuacións en fogares españois e construír 1.100 vivendas de aluguer social".
Neste contexto, precisou que o "compoñente do Plan de Recuperación, Transformación e Resiliencia dedicado á regeneración urbana contempla seis programas dos que catro son xestionados polo Ministerio de Transportes e, os dous restantes, polo Ministerio para a Transición Ecolóxica".
"A materialización deste programa realízase a través dun modelo de cogobernanza coas comunidades autónomas e as entidades locais, ás que o Goberno transferirá fondos para que executen directamente ou ben realicen convocatorias de axudas, en función de cada programa", detallou.
En canto ao inmoble que visitaron o delegado do Goberno e a alcaldesa, Lara Méndez, o promotor da obra, Venancio López, explicou que a fai para utilizala como "vivenda particular", cunhas obras que comezaron hai ano e medio.
"É unha obra que vai quedar moi bonita, trátase dunha vivenda unifamiliar. De momento estou á facer eu, cos meus medios e con moitos gastos", completou. Trátase de "unha vivenda e local en planta baixa", que conta con licenza urbanística desde setembro de 2019, á altura do 118 da rúa Nova.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.