Falecen catro persoas máis en Galicia con covid-19, entre elas unha muller sen patoloxías previas
A cifra de vítimas pola pandemia en Galicia elévase a 2.739.
Por Europa Press / Redacción | Santiago de Compostela | 22/12/2021 | Actualizada ás 20:35
A Consellería de Sanidade informou este mércores da morte de catro persoas que foran diagnosticadas coa covid-19, entre elas unha muller de 66 anos que non tiña patoloxías previas.
Segundo os datos das autoridades sanitarias, esta muller permanecía ingresada no Complexo Hospitalario Universitario de Vigo (CHUVI).
Ademais, no Hospital Universitario Lucus Augusti (HULA) morreu un home de 69 anos; no Complexo Hospitalario Universitario da Coruña (CHUAC) perdeu a vida outro home de 91 anos; e no Complexo Hospitalario Universitario de Pontevedra (CHOP), un home de 90. Os tres presentaban patoloxías previas.
Con estes catro falecementos rexistrados este mércores a cifra de vítimas pola pandemia en Galicia elévase a 2.739.
