Sabes cales son os 23 concellos que tiveron máis de 1.000 avisos para limpar as leiras?

Tres concellos ourensáns son os que contan con maior número.

Por Europa Press / Redacción | SANTIAGO DE COMPOSTELA | 26/12/2021 | Actualizada ás 11:58

Comparte esta noticia

Un total de 23 municipios galegos supera o milleiro de avisos a propietarios para que limpen as súas leiras non rozadas, unha medida que busca previr os incendios forestais en terreos non xestionados.

Segundo a información facilitada pola Consellería de Medio Rural a Europa Press, tres concellos ourensáns están á cabeza en avisos recibidos: Melón, con 6.019 --4.061 notificacións e 1.958 publicacións en diarios oficiais--; Lobios, con 4.074 --2.413 notificacións e 1.661 publicacións--; e a cidade de Ourense, con 3.834 --2.214 notificacións e 1.620 publicacións--.

Con datos a 30 de novembro, xeráronse en Galicia un total de 35.595 notificacións e 33.129 publicacións en diarios oficiais --suman 68.724 avisos-- a propietarios das parcelas non xestionadas de que, no caso de que non se faga a limpeza, executarase por parte da administración, coa consecuente repercusión dos custos e sanción.

O Goberno galego traslada estes avisos aos municipios para que os remitan a propietarios de terreos pendentes de limpeza de biomasa. Son preto de 80 concellos do catro provincias nos que se enviaron estes requirimentos.

TOP CON MÁIS DE 1.000 AVISOS

A lista dos municipios con maior número de avisos prosegue con outro cinco municipios na provincia de Ourense: Vilardevós (2.194), Boborás (1.891 avisos), Carballeda de Valdeorras (1.285), Rairiz de Veiga (1.175) Padrenda (1.119). En Pontevedra, son oito os concellos por encima do milleiro de advertencias: A Cañiza (3.296), Tomiño (3.146), Poio (2.230), As Neves (1.875), Arbo (1.650), Soutomaior (1.267), Mos (1.031) e Mondariz (1.017).

Na provincia da Coruña, Porto do Son está na cabeza en número de avisos, con 2.753. Séguelle Carnota (1.573), Rianxo (1.502), Lousame (1.444), Boiro (1.082) e Fisterra (1.020).

Na provincia de Lugo, o municipio de Lugo é o único que supera o milleiro de avisos (1.066), segundo datos de Medio Rural.

MENOS DO MILLEIRO

Xa por baixo do milleiro hai preto de medio centenar de municipios en toda Galicia. En Ourense son: Coles (940), Avión (935), A Merca (878) Cualedro (730), A Gudiña (714), Entrimo (660), Oímbra (558), Baltar (556), Manzaneda (543), Vilamarín (456), Carballeda de Avia (413), Laza (396), Vilariño de Conso (350), Muíños (340), Chandrexa de Queixa (303), A Peroxa (292), Paderne de Allariz (289), Sandiás (249), Xinzo (246), Montederramo (235), A Pobra de Trives (200), Piñor (180), Xunqueira de Ambía (167), Verín (164), Maceda (122) e O Barco (75).

Tamén en Pontevedra por baixo do milleiro atópanse: Gondomar (911 avisos), Ponteareas (860), Ponte Caldelas (461), Baiona (304) e Fornelos de Montes (94).

Na provincia da Coruña, trátase de: Teo (753), Aranga (575), A Capela (566), Santiago (371), Laxe (344), Muros (290), Carballo (286), Bergondo (275), Negreira (262) Abegondo (174), Coristanco (138) e a cidade da Coruña (81).

En Lugo, a lista complétase con: Pantón (847), Ribas de Sil (563), Sober (420), Quiroga (384), Ribeira de Piquín (280), Gutiriz (234), As Nogais (167) O Incio (140), Xermade (118), Pedrafita do Cebreiro (115), Ribadeo (91), Navia de Suarna (73) e A Pastoriza (13).

Xunto a isto, na información trasladada por Medio Rural a Europa Press figura que houbo cero notificacións en Rodeiro (Pontevedra) e Folgoso do Courel (Lugo).

Arquivo - Un piñeiro novo recentemente tallado en Candaido, A Fonsagrada a 22 de abril de 2021, en Lugo, Galicia (España). A moratoria para a plantación de eucalipto entrará en vigor en maio, para acelerar está a procederse á talla doutras especies como o. Carlos Castro - Europa Press - Arquivo
Arquivo - Un piñeiro novo recentemente tallado en Candaido, A Fonsagrada a 22 de abril de 2021, en Lugo, Galicia (España). A moratoria para a plantación de eucalipto entrará en vigor en maio, para acelerar está a procederse á talla doutras especies como o. Carlos Castro - Europa Press - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta