A actriz María Mera denuncia unha "experiencia negativa" no CHUS: "quéixate ao teu amigo Feijóo"

María Mera relatou que, previo test de antíxenos negativo, tivo que desprazarse ao Clínico para que lle realizasen unha proba, e negouse a estar á espera nunha sala "chea de positivos de covid".

Por Europa Press / Redacción | SANTIAGO DE COMPOSTELA | 28/12/2021 | Actualizada ás 17:51

Comparte esta noticia

A actriz María Mera denunciou en redes sociais a que define como a súa "primeira experiencia negativa" no Hospital Clínico de Santiago, onde denuncia que recibiu unha resposta inapropiada dun médico tras "negarse" a esperar a ser atendida "nunha sala chea de positivos covid sendo negativa". En fronte, a área sanitaria alega que se cumpriu o protocolo e que a sala era para "pacientes con sospeita".

En concreto, María Mera relatou que, previo test de antíxenos negativo, tivo que desprazarse ao Clínico para que lle realizasen unha proba, e negouse a estar á espera nunha sala "chea de positivos de covid". Ante a súa decisión e, dado que así o marca o protocolo do circuíto respiratorio, un médico dixéralle: "Quéixate ao teu amigo Feijóo".

Na súa conta de Instagram, a actriz remarca que se vota para que se xestionen "o mellor posible os recursos públicos para os cidadáns". "Non somos amigos de políticos, de ningún partido político", engadiu, antes de incidir en que ve "grave" a actitude do médico.

"Suponse que nos van atender na sanidade púbica segundo a quen vote a xente? Sei que é un caso illado e que o persoal sanitario está esgotado dun esforzo inmenso por esta pandemia. Pero o que me dixo hoxe este médico é unha falta de responsabilidade e profesionalidade. Por ser un personaxe público non son nin máis nin menos que ninguén. Decepcionada", concluíu.

"SEGUIUSE O PROTOCOLO ESTABLECIDO"

Pola súa banda, a área sanitaria de Santiago trasladou que neste caso actuouse de acordo co protocolo establecido para casos como o da actriz.

A sala de espera, trasladou a Europa Press, é "para pacientes con sospeita e cumpre coas medidas de seguirdad, como o uso de máscara e distancia".

Conclúe a área sanitaria que a paciente, "no caso de pór unha reclamación, recibirá as explicacións pertinentes".

María Mera nunha imaxe do blog do programa 'Criaturas'
María Mera nunha imaxe do blog do programa 'Criaturas'

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

4 Fidel

A típica perrencha que fai alguén que vive nunha burbulla mediática e solta nas súas redes sociais un "usted no sabe con quien está hablando". E sí, Feixóo e os seus votantes son os culpáveis do salvaxe desartellamento da sanidade pública. A min xa me adiaron 3 citas en crónicos e puxen as correspondentes reclamacións no hospital (é o que ten ser un galeguiño de infantería...).

3 Elmio

Non queria xuntarse ca “chusma”. Que se cree? Que merece un trato especial? O protocolo que marca a conselleria e ese, se non lle gusta, pois que se queixe a Xunta, claro.

2 Sentidiño

Pontona cala mentres Néstor Rego insiste na identidade ;-)

1 mfdk

Seguro que fui culpa do BNG.