A Xunta eleva a 742.000 euros os apoios a entidades para loitar contra a violencia de xénero

A Xunta ampliou ata os 741.945 euros, con cargo ao 0,7% do imposto sobre a renda das persoas físicas (IRPF) correspondente á comunidade, a contía que destinará en 2021 a apoiar programas de entidades sociais para o liderado da muller, o apoio ás que están en situación de especial vulnerabilidade e a loita contra a violencia de xénero.

O Diario Oficial de Galicia (DOG) publicou a actualización do orzamento desta liña de axuda coa que o Goberno galego impulsa a celebración de iniciativas de entidades sociais en beneficio das mulleres.

En concreto, son iniciativas para mulleres en situación de vulnerabilidade: vítimas de violencia de xénero ou outras violencias, en situación de explotación sexual-laboral ou de trata de persoas, inmigrantes, refuxiadas, recluídas, mulleres de minorías étnicas, etcétera.

As tres universidades e a Xunta axuntan esforzos contra a violencia de xénero.. Xunta de Galicia