A Xunta lembra aos locais que opten ás axudas por peche que deben comunicalo antes de medianoite
Por E.P. | SANTIAGO DE COMPOSTELA | 30/12/2021 | Actualizada ás 13:49
Os titulares dos locais de lecer nocturno que decidan pechar os seus establecementos no fin de semana de Fin de Ano, entre as 00,00 horas deste 31 de decembro de 2021 e as 03.00 horas do día 3 de xaneiro de 2022, deberán realizar unha comunicación previa á Xunta de Galicia para poder optar ás axudas previstas polo Goberno galego para os supostos de peche, a través da dirección electrónica 'pechelecernocturno@xunta.gal'.
A Xunta xa informara da necesidade de realizar esta comunicación na pasada xornada, lembra que o mail, que será requisito imprescindible para poder optar aos pagos, deberá ser remitido este xoves, é dicir, antes das 00.00 horas do venres 31 de decembro.
Os titulares dos establecementos deberán incluír nese correo electrónico os seguintes datos: nome do establecemento e dirección, nome completo ou razón social do titular e CIF. A medida aparece recollida na orde da Consellería de Sanidade xa publicada no Diario Oficial de Galicia (DOG) na pasada xornada --apartados sétimo e oitavo--, na que se establecen as medidas específicas ante a situación conseguida pola pandemia referidas ao lecer nocturno.
