Por Europa Press / Redacción | SANTIAGO DE COMPOSTELA | 31/12/2021 | Actualizada ás 15:32
A portavoz nacional do BNG, Ana Pontón, fixo unha valoración deldiscurso do presidente da Xunta de Galicia, Alberto Núñez Feijóo na que lle recriminou terminar o ano coa atención primaria colapsada e asegurou "que non fixo nada para reforzala".
Ademais, Pontón aseverou que "os sanitarios están exhaustos e necesitan máis que boas palabras". Tamén, lamentou que o 2021peche coa atención primaria nesta situación e achacouno a que co ntan con "menos recursos que cando Feijóo chegou ao Goberno".
A líder do BNG replicou ao presidente da Xunta que "o primeiro paso para solucionar os problemas do país é admitir que existen en lugar de negalos".
Así mesmo, sinalou o que son, segundo a portavoz dos nacionalistas, outros dos problemas de Galicia como a emigración xuvenil, o sistema das residencias de anciáns e o descoñecemento sobre en que se investirán os fondos 'Next Generation'.
Con todo, Pontón quixo dar unha mensaxe de optimismo dicindo que "os galegos demostraron que son capaces de estar a altura e de dar o mellor na adversidade e nas dificultades e esa é a mellor base para poder encarar o 2022".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.