Por Europa Press / Redacción | Santiago de Compostela | 04/01/2022 | Actualizada ás 13:30
A Axencia Tributaria devolveu case 564,88 millóns de euros a 840.216 contribuíntes galegos do Imposto sobre a Renda das Persoas Físicas de 2020, de maneira que, a data de 30 de decembro, realizáronse o 97,44% das devolucións solicitadas en número en Galicia e abonáronse o 94,31% dos importes solicitados correspondentes.
En concreto, os contribuíntes que recibiron a súa devolución e os importes correspondentes repártense da seguinte maneira: 355.283 na Coruña (242,855 millóns), 174.117 en Pontevedra (117,229 millóns), 118.393 en Vigo (85,695 millóns), 105.476 en Lugo (67,675 millóns) e 88.591 en Ourense (51,422 millóns).
As declaracións presentadas en Galicia ascendían a 1.367.058 correspondentes á campaña da renda de 2020, que son un 2,57% máis que as da campaña anterior, e un 3,17% máis que as de 2018.
En todo caso, as 840.216 devolucións pagas representan un descenso do 3,61% con respecto ás do ano anterior e un 6% menos que na campaña de 2018.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.