O delegado do Goberno, tamén en corentena tras dar positivo en Covid
Indicou que tras dous test negativos, deu positivo no terceiro.
Por Europa Press / Redacción | A CORUÑA | 06/01/2022 | Actualizada ás 13:34
O delegado do Goberno en Galicia, José Miñones, está en corentena tras dar positivo por Covid, segundo informa na súa conta de Twitter. Nela, confirma que tras dous test negativos deu positivo no terceiro, motivo porque o que está en corentena desde este día de Reis.
Explica tamén que os síntomas que presenta son "leves", "típicos dun catarro". "Toca seguir traballando desde casa neste comezo de 2022", indica trasladando tamén ánimo aos que estean na mesma situación e pedindo á cidadanía que se coide.
Como a conselleira de Infraestruturas, Ethel Vázquez, Miñones tiña previsto asistir este xoves aos actos da Pascua Militar, na Coruña, aos que, finalmente, non acudiu por este motivo.
