Sánchez afirma que "a volta ao cole é segura" a pesar de que a curva de contaxios está disparada
Confía alcanzar o 70% de escolares vacinados o 7 de febreiro.
Por Europa Press / Redacción | MADRID | 10/01/2022 | Actualizada ás 09:39
O presidente do Goberno español, Pedro Sánchez, asegurou este luns que a volta ás aulas é "segura" para os máis de oito millóns de escolares que regresan este luns despois das vacacións de Nadal e coa incidencia de casos disparada.
"Vimos traballando coas comunidades autónomas, a comisión de saúde, o relatorio de alertas, ministerios e consellerías, por tanto, as condicións son seguras", indicou Sánchez nunha entrevista na Cadena Ser recollida por Europa Press.
O xefe do Executivo mostrou ademais a súa confianza na vacinación dos menores de 5 a 12 anos iniciada o 15 de decembro. Neste sentido, confirmou o obxectivo do alcanzar o 70 por cento de vacinados coa primeira dose o 7 de febreiro e coa pauta completa de dúas doses a semana do 8 de abril.
"Hai que ter confianza nos traballos técnicos e os gobernos autonómicos e nunha vacinación que está amplamente apoiada polos nenos e nenas", indicou Sánchez.
