O Concello da Coruña comeza esta semana as obras para a peonalización de rúas en Agra do Orzán
A rúa pasará a ser de plataforma única.
Por E.P. | A CORUÑA | 11/01/2022 | Actualizada ás 18:23
O Concello da Coruña comezará esta semana os traballos para consolidar a peonalización da rúa San Leopoldo, situada no Agra do Orzán. A peonalización definitiva da rúa chega despois dunha experiencia piloto, vixente na actualidade, que comezou no Nadal de 2020, acordada con cidadáns e comerciantes do barrio para favorecer a mobilidade polo distrito.
Segundo explica o goberno local, as obras de reurbanización permitirán que a rúa pase a ser de plataforma única, coa colocación de arboredo (11 exemplares) repartido en zonas axardinadas que estarán localizadas na franxa central da rúa.
Ademais, executaranse traballos de pintura no firme para poder gozar de xogos infantís de carácter educativo ao aire libre. Tamén se habilitará un novo acceso á praza do Comercio desde a rúa Gramela, para mellorar a mobilidade na zona.
