Por Galicia Confidencial | Santiago de Compostela | 13/01/2022 | Actualizada ás 21:45
Randstad revela que en Galicia a contratación temporal aumentou un 21,6% neste 2021, un incremento 1,6 puntos superior á media estatal, situada no 20%. Así o recollE un estudo sobre como variou no último ano a contratación temporal, a principal fonte de emprego do sistema laboral. Para iso, estudou datos procedentes do Servizo Público de Emprego Estatal (SEPE).
O estudo salienta que se asinaron 827.641 contratos temporais na comunidade, fronte aos 680.413 do 2020. O volume de contratación rexistrado en Galicia supón o 4,8% do total do Estado.
A nivel provincial, A Coruña foi a que rexistrou o maior incremento na contratación temporal (25,3%), seguida por Ourense (19,9%), Pontevedra (19,5%) e Lugo (18,1%). No que se refire a volumes, Pontevedra (351.273) e A Coruña (329.897) lideran a rexión, seguidas por Lugo (80.701) e Ourense (65.770).
NIVEL ESTATAL
No conxunto español, a contratación de duración determinada rexistrou un incremento do 20% con respecto ao pasado ano. En termos absolutos, durante o ano pasado asináronse algo máis de 17.270.000 contratos temporais, fronte aos preto de 14.400.000 que se rubricaron en 2020.
A nivel sectorial, o sector servizos rexistrou o incremento máis notable deste último ano na contratación temporal, cun aumento do 28,6%, sendo ademais o que conta con maior volume de firmas, con preto de 11,4 millóns. De feito, a este sector pertencen dous de cada tres contratos temporais que se asinaron en 2021.
"Estas cifras aseveran a importancia que a contratación de duración determinada ten, non só para xerar emprego no noso país, senón tamén para dar maneira eficaz a picos de demanda a sectores importantes. Con todo, aínda se percibe que a pandemia non desapareceu, polo que aínda existe certa marxe de crecemento", concluía Valentín Bote, director de Randstad Research.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.