Por E.P. | OURENSE | 14/01/2022 | Actualizada ás 16:24
O presidente da Xunta, Alberto Núñez Feijóo, advertiu este venres, ante a alza do índice de prezos de consumo (IPC), que "ese é o gran imposto que están a pagar as rendas medias e baixas, o máis daniño para a economía dun país".
Así o trasladou na mesma xornada na que se fixo público que o IPC incrementou oito décimas a súa taxa anual en Galicia a peche de 2021, ata o 6,7%, co que se sitúa dúas décimas por encima da media nacional, segundo os datos que o Instituto Nacional de Estatística (INE).
En declaracións aos medios en Ourense, Feijóo sinalou que esta situación supón "falta de competitividade e que as rendas baixas e medias paguen os mesmos impostos que as máis altas" porque "todo vale un 6% máis". E exempliificou: "Desde o pan, a un billete de bus, ou a peaxe da autoestrada... E non imos falar do prezo da luz".
"É unha subida de impostos xeneralizada para todos os cidadáns, unha perda de competitividade para a economía, e un pau enorme para as familias máis modestas cando fan a cesta da compra ou para acabar o mes", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.