O Concello da Coruña homenaxea aos caídos na Batalla de Elviña e entrega as medallas conmemorativas
Está a piques de cumprirse o 213 aniversario da batalla.
Por E.P. | A CORUÑA | 14/01/2022 | Actualizada ás 18:01
A alcaldesa da Coruña, Inés Rey, presidiu, no salón de sesións do Palacio Municipal de María Pita, o acto de entrega das medallas de ouro conmemorativas da Batalla de Elviña 1809-2022.
Foron concedidas a María Fidalgo Casares, historiadora, investigadora e crítica de arte; Iván Fernández Amil, investigador e articulista; así como a Cruz Vermella, representada no acto pola súa presidenta provincial, Mercedes Casanova.
Inés Rey, acompañada por Manuel Areas, presidente da Asociación Histórico Cultural Royal Green Jackets, mostrou o seu agradecemento aos e as galardoadas no acto cando está a piques de cumprirse o 213 aniversario da Batalla de Elviña.
A continuación, a alcaldesa encabezou o acto de ofrenda ao xeneral Sir John Moore e aos caídos durante a Batalla, nun acto nos xardíns da Real Maestranza.
